 |
You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:Cod.icon. 393 II 173r.jpg"
| (One intermediate revision by the same user not shown) | |
(No difference)
| |
Latest revision as of 04:01, 12 December 2018
Dimicatio peditis bipenne utentis contra equitem hastam equestrem exercentem.
Quum victoria ex ea dimicatione ferre volueris, ea ratione quae iam sequitur te accommodato: si eques tibi occurrat equestrem hastam exercens, sinistrum pedem praeponito, atque bipennis laminam hosti obiectam contineas, tum si eques tecum inire certamen conetur hasta equestri utens, correptam ipsius hastam bipenni tua, sursum tollas et eo modo impetum ipsius removeris. Inde autem quantum poteris, visum ipsius mucrone bipennis impetas tuae, verum si idem tibi equiti acciderit a pedite, nec uti equestri hasta poteris, eam ex hamo superiori reiicias, equumque in latus tuum ubi deflexeris sinistrum, ensem stringas, versumque ipsius bipennem ferias: tum remotus est hostis impetus. Inde autem contra eum citato incurras, et ense eum transverberes.
