Page:MS KK5126 125r.jpg

nymb das swert in paid hennt vnd schüt das krefftiklich vnd chum in den hangenden ort zw dem rechtenn or vnd stich im zw dem gesicht vnd secz im an in das gesicht oder wo das ist wert ers so zuck vnd ge durch mit dem stich vnnd secz im an als vor vnd wenn dw im hast angeseczt so schlach dein swert vnder dein rechtz vechsenn vnd vonn dir als vor

Das annder stuck

stich im zue als vor wert ers mit dem vnndern ort vonn seiner tenncken hannd so secz ab vnd fal im mit der tenncken hand in sein swert bey dem ort vnd reyb im denn stich ab vnd stich in zw der rechtenn hannd krefftikleich zw denn höden wirt er des stichs gewar vnd felt dir auch in das swert so würff dein swert im fur die füeß vnd begreyff in bey dem selbenn arm vnnd prich im denn also

Auch magstu aus der obern huet mit dem chnopf des swercz im zw dem hawbt slachenn oder auf die armpüg der vor gesaczten hand oder in die chnyepug des vodernn fuess vnd wil er dir dann wern wenn dw im slechst nach der chnyepug vnd wil dich obenn vberlauffenn so versecz im denn slag mit dem gehilcz vnnd setz Im denn ort in sein gesicht

was man mit dem chnopf slecht da magst dw in auch vnder die augenn in das gesicht mit slachenn

Wild dw ainem aus aus [!] dem chrais vnder seinen danck farenn so greyf nach einem vinger aucz [?] der tennckenn hannd vnd prich vbersich oder stich in obenn in denn hanntschuech In die hannd vnnd heb das swert mit der hannd vber sich vnd far im aus dem chraiss

Wild dw einenn werffenn der dir hat angeseczt so vber greyff mit der tennckenn sein tenncke vnd nym das gewicht bey seinem tenncken elpogenn

Ein pruch

wider das wenn er durch wil wil [!] greyffenn so prich im die hannd vor pey dem glid mit deinem swertt

Das ist die ann der huet zw champf in harnasch

nym das swert In paid hennd vnd halt es vber dem chnye vnd ge zu dem man sticht er dir vndenn zue so wer im nicht Sunnder secz im in sein gesicht

sticht er dir denn aber obenn zue es sey zw dem gesicht oder wo das das sey das sold dw wernn vnd seczenn Inn denn stich ab von dem vodernn tayl des swertz an die prüst vnd secz Im das gesicht oder in die trossel vnd schlach dein swert vnder dein vechsen vnd dring in fur dich oder secz ab zwischenn den zwainen hennden vnd far im mit dem chnopf vmb sein hals vnd versecz im mit deinem rechtn fueß vnd fel in also //

Ein pruch wider das

Nym des arms war vnd reyb vmb vnd treyb denn armpruch vnd far vber mit der hannd vber vorgeseczte hannd vnnd zeuch zw dir vnd prich vnd secz ann oder wechsel durch vnnd secz mit dem chnopf also prich das nym des chnopfs war mit der tennckenn vnd stöß im das swert vber ruck vnd stich vnnden zw denn hodenn

Die trit huet zw champf in harnasch nym das swert in paid hennd vnd ste in dem gehenng bey der rechtenn seytenn also das der tennck fues vor ste vnnd wenn ainer auf dich sticht oder wil slachn mit dem chnopf oder wil dir anseczen so stich zw deiner vorgesaczten hand durch vnd ṽber sein swert vnd druck denn chnopf zw der erdenn vnnd secz an Oder slach im zue mit dem chnopf zw dem vorgesacztenn elpogenn oder slach vndenn zw dem chnopf elpogenn vnd das swert wider geuast zw dem der chlingenn vnnd vnder das recht vechsenn oder auf das chnye velt er in das swert In der mitt das geschicht gern von zaghait so zwen im resch

Wenn er dir in denn spicz velt so heb das swert vber das haubt vnd nym das swert in In [!] ped hennd vnd ruck an dich vnd schlach in zw der vodernn hannd die er hatt vir geseczt oder zue der chnye pug vnd begreyff das swertt wider bey der chlingenn vnd gelegt auf das chnye chnye [!]

Die vierd huet zw champf in harnasch nym das swert vnder das recht vechsenn vnnd ge ann denn man mit anseczenn vnd secz ann das gesicht wert ers so zuchk vnnd secz im an denn drossenn oder an die achsel oder vnnder die vechsenn vnnd drinng In also vonn dir hin dann vnnd dw hast abgeseczt so las in nicht abchömen vnd will er zw