Page:MS KK5126 126v.jpg

Das seind die stuck mit der glaffenn renn mit im geleich ein mit der glaffenn oder ^/ste/ auf von von [!] dem tennckenn arm

Item secz ab churcz mit paidenn henndenn mit der glaffenn

Item so dir ainer auf slecht dy gläffenn mit dem swert so stos in mit der gläffenn mit dem hindern tayl an die hodenn oder far im mit dem arm In sein arm vnd nym im sein swert

Swert gegn swert

leg dein swert auf dein tencken arm vnd wenn jenner auf dich haut so ste auf haw hat zaum linck pain ab

Item ste auf mit dem swert vnd nym Im sein swert

Item ge auf mit deinem chnopf vnd haw im zw dem chopf do mit do prich glaffen vnd allerlay wer

Item wenn dw in mit dem chnopf slechst vnnd er dir verseczt henng wol aus deinem rechtn arm

Item versecz denn stich oder den slag vnd far im mit dem chnopf vmb denn hals vnd würff in

Item wenn er dir zu der tenncken seytenn zu reyt so versecz vnd slach im ein oberhaw zu dem chopf vnd stich in in den hals

Item nym dein swert in dein tenncke hannd vnd leg es dem roß auf seinen hals vnd er Slecht so versecz im vnd stich im zum hals

Item wenn er slecht so versecz vnd hurt mit deinem gehilcz vnder sein arm vnnd mit deinem rechten fues vnnder sein steick leder vnd enpur im in denn fueß vnd hab im auf denn arm mit deinem gehilcz vnd wurff In also vom roß

Item das ist der edl schaffgriff als dw wol waist wie man in dan treybenn sol

Item ein swert mit dem andern genomenn aus denn hangendenn ortern begreyff im denn arm do er das swert in haldet vnnd hurt im durch vnd nym im das swert oder zeuch in von dem roß

Item als vor vnd haw im gerad zum chopf ein oberhaw

Item ge auf von dem tennckenn arm vnd haw im ab denn hals mit der twier oder begreyff im denn hals mit der rechtenn hand vnd wurff in

Das ist zu gewapender hannd

Item laß lanng hanngenn vnd greyff in das churcz swert vnd versecz vor deiner hannd vnd stich in wo dw magst

Item als vor vnd far im vmb denn hals besunder versecz von dir lannck

Item ge auf dem chnopf vnnd versecz mit dem fenster vnd greyff in das halb swert vnd wechsel die hinder hannd vornn vnd slach / zw im // dem hals

Item swert wider gläffenn das dein Stich zum hals ge

Item jagt er starck auf dich so versecz mit halbenn swert vnnd laß da mit gleytenn Vnd stich im zw hals

vnd nym swert tegenn vonn der tennckenn seytenn vnd die glaffenn linck seytenn merck dein arbait do mit sterck

Itm wind vnd versecz Itm wind vnd versecz [!] swert nyms von dir lannck so ist geleczt zw hand

Wider das verseczenn am swert

Item dar nach verplennt
wer dich mit verseczenn wil schenndenn
an zweyff nym war vnd far
im pald vnder den arm dar

Mit der glaffenn

wildw abseczen
vnnd sein chunst leczenn
glaffenn zw vorn
misch dar vnder nym yms ann zorn
Auch magstu ringen
wenn dw in hast vmbgefangenn

Item greyft er dich an zw der seytenn vmb denn Hals oder des gleichen vmbfach seinen arm auswendig In der pug vnd prich von vnden auf

Das ist ein gemaine ler zw roß

Fleuchstu vor ob man dich jagt vnd man dir an secz hindenn mit der glaffenn so secz ab durch arm oder würff dich vmb oder sicz mit dem ars in die chrümp oder halt an dich mit dem roß Durch roß atems willenn so haw drein mit sporenn so get die glaffen aus lere auf paid seytn Haw stich chünstlich abgeleyten

Item stich von paiden seytenn hinder Im nach jagenn vnd ydlichenn stich secz in die chrum

Itm dw magst auch abgeseczen mit der hannd vnd mit dem tegenn wenn man vornn abgeseczt hat das get auch zw dem prechenn in die chrum

Item merck wen dw vechtn sold zu roß mit einem armprust vnd mit einem swert vnd wolczt dy gern paide behaldenn also das dw sy nicht vonn dir liest wann dw mit einem arbatest das dw das an der behielczt merck wenn dw verslossenn hast vnd nit hand chanst chomen zw dem spannen vnnd muest ye verdruckenn so slach