Page:Cgm 582 007v.jpg

Am messer geradt ist er abnemen
weseit tretten soltu dich treten remen
Beleib / schlag / schneid / ader / stich
Dein flech auff sein wendt / alzo dy abnemen prich

Hie lertt der meister dy pruch widr dy abnemen vnd sprich am messer gerad etc Das soltu alzo verstan So er abnybt auff dich mit geradem messer wie vor gesagt ist Indes trit beseit auff dein rechte seitten woll auß seinem schlag vnd beleib alzo sten vnd schlag In mit der langen schneiden deines messers auff sein kopff oder wendt dein messer gegen dem seinen das dy lang schneid ob stee vnd stich Im zu seinem gesicht oder schlag Im dy kurtz schneid In das antlitz.

Item oder far Im mit der flech auff sein messer Im abnemen vnd schlag In zu seinem haubt mit der langen schneiden vnd merck So du mit der flech auff sein messer vellest das du seẅberlich dar auff stossest Indes far auff mit der langen schneiden vnd schlag In zu dem kopff wie vnden gemalt stet etc