 |
You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:Cod.icon. 393 II 064v.jpg"
m (Michael Chidester moved page Page:Cod.icon. 393 II 64v.jpg to Page:Cod.icon. 393 II 064v.jpg) |
|
(No difference)
| |
Revision as of 21:55, 12 February 2014
Ratio aversionis de utroque latere
Si prope ad hostem acccesseris, sinistrum prefigito pedem, atque ense hispano faciem adversarii fodiendo laedito. Ad si is idem contra te usurparit, dextrum praeponentem, tum in latus tuum sinistrum hostile impetum orbiculari clypeo repellas. Verum inde mucrone ensis tui visum adversarii pungito recta. Sed si is suo itidem clypeo te removerit, sinistro intro procedas, atque brachio porrecto supra clypeo ipsius punctione directa superne faciem hostilem adpetito, ut inferior acies brevis consistat. Sin autem idem adversarius contra te molitur, surrecto clypeo tuo, punctionem ipsius adimito, verum inde sinistrum pedem reponas retrorsum, atque ictum brachium sinistrum adversarii sauciato. Si autem pari vicissim modo utatur hostis, eam vim acie ensus tui longa avertito, inde autem clypeum tuum pectori ipsius impellito, atque ab hoste ictum supernum feriundo recedas.
