Page:Cod.10825 187v.png

Ein oberer Schnit gegen ainem Seitenschnit.

Item wann Ir zu°samen gond, so halt dich also in disem stu°ck, Stand mit deinem rechten fu°ß vor, vnnd halt dein Sichel in deiner rechten hand gegen dem Mann in der ho°ch, In des schneid Im nach seinem hau°bt, Schneit er dir also oben zu°, vnd du° au°ch mit deinem rechten fu°ß gegen Im steest, vnd heltst dein sichel au°ch in deiner rechten hand gegen dem Mann, in ainem mitlen schnit, So greiff Im mit deiner lingkn hand vornen in seinen rechten arm bey° der hand, scheu°b damit wol u°bersich, so nimbst du° Im seinen obern schnit hinwegk, In des schneid Im nach seiner rechten seiten seines Leibs, Schneidt er dir also zu°, so fall Im mit deiner linggen hand au°ßwendig in seinen rechten elnbogen, tru°ck damit starck von dir au°ff dein rechte seitten, so nimbst du° Im seinen mitlen schnit hinwegk, In des volg mit deinem lingken schenckel hinnach, vnd schneid Im nach seinem rechten fu°rgesetzten schenckel, trit damit von Im zu°ru°gk,