Page:MS Dresd.C.93 008v.png

tribnen Griechen · Demarathus · genannt Ainen treffenlichen grossen Krieg · mit ainer gar hohen anzal volcks · Zu Roß vnnd fuoß · als zuuor kaum erhört worden · auf wasser vnnd zu Lannd · wider die Griechen gefiert hab · Als aber der Kunig Xerxes die Grenitzen der Griechen an ainner Clausen Termopilen · genannt · mit seinem volcke erlanngt het · verordnet er die Namhafftigisten vnnd sterckisten Männer vnnd Hauptleut der Persier mit gro°sser anzal · dasselb ort · zu ainnem einganng des lands Greciæ · zuerobern · Es hetten aber diß ort die Griechen · mit · 300 · Spartanischen Burgern zuuor besetzet welche Irer gewonhait nach · Iren Kunig· Leonides · zu sich genomen · vnnd allso auf den feind mit allen begirden Ime den einganng zuwhern · alda wartende · vnnd darneben gute wach vnnd achtung mit aller Ritterlichen vbung vnnd anschla^eg auf die Persier hetten · Als aber die Persier an diß bemellt Ort komen haben sie so ainen ernstlichen vnnd Mannlichen widerstand von der Griechischen besatzung befunden · das sie etlich vnnd vil Sturm vnnd anleuff · vnnd auch ein merckliche anzal · Namlich biß Inn zwainzig Tausent · darunder zwen Kunig · dreÿ Fursten · vnnd seer vin von dem Perschischem adel · auß der Legion ^der ontödlichem genant · sampt der pössten Kriegßleut · daruor verloren haben Inn dem der Kunig seines vnglucks wargenomen · Vnnd mit lauter stimm geschrien · O · Jupitter Ich bin Inn dem betrogen worden · das ich gar zuuil . aber wenig guts geubts Kriegsfolckh · mit mir so ainen weitten weeg außgefuert hab · als wollte er sagen · Es ligt der sig vnnd victorj nicht an der menge vnnd anzal des volckhs sonnder an der Ritterlichen Mannhait der Krieger · Er hatte auch ainen solchen grossen · schaden von disen · 300 · Personnen an bemelltem Ort erlitten · das In der Krieg · den er wider die Griechen furgenommen · zu vilmalen geraw°en · vnnd offtermalen daruber erseuffzet hat · zudem hat er diß Ort · Inn etlichen Monaten mit allem seinem volckh nicht gewinnen mo°gen · biß Er zulesst sein gemuet · auf die verrettereÿ begeben hat · Dann Ime ist durch ainen hirten : den er mit Reichlichem uncosten vnnd verhaissungen vberredt : ein haimlichen vnnd vnbekannten weg · von oben an dem geburg herab verkundtschafft worden Durch welchen weeg · vnnd verretereÿ die Redlichen Spartaner hinden vnnd vornen · mit grossem gewallt vnnd hoher anzal volcks vmbringt vnnd vmb geben worden sein · das sie alle nach lannger Redlicher who°r · biß auf den letsten Man · ( · dann kainer von Irem Kunig hat weichen wollen · ) von den Persier erschlagen worden sein Vnnd wie die Clausen erobert · vnnd Kunig Xerxes · mit etlichen seiner Hauptleut auf die Waldstat komen · vnnd zu ainem verwundern die Spartaner hat sehen wollen · hat er sie auf den Beuchen · vnd nicht auf dem Ruggen funden ligen · vnnd das Ire angesichter Jämerlich Zerhaw°en gewesen · ersehen · hat er sie · wiewol seine feind · treffenlich seer gelobt vnnd gesagt · O · wie sellig ist diß lannd · des diser geubten Redlichen Leut vil erzeugt vnnd darauf befragt · was doch solche Leut fur handtierung vnnd Kurtzweil triben · Ist Ime geantwurt worden · das sie Nimmer muessig vnnd grosser abstinentz weren · Darauf wider gefragt · was doch Ir belonung darumb seÿ · Ist Ime zu antwurt durch die Arcadier gefallen das sie stets