Page:Cod.Guelf.1074.Novi 05v.png

Stuck Im schwerdtt.

Das Erst Stuck.

1 Im ersten gleichen ganng schlach mit der versatzung Ins Creutz bindt an, verfal auf der Rechten seitten vnd schlach auff den andernn Zw. ~~

Volgt der Bruch darauff, mit fürtretten des Lincken fuss, Auch nach seinem straich verfallenn mit der kurtzen schneidt mit gewalt genohmen auff baid seittenn vnnd zugeschlagen. hatt 2 straich. 2

2 Item schlach mit versatzung Ins kreutz, wisch oder raisz gleich wider nach dem schwerdt auss behendest auff biss schier an seines schwerdts spitzenn, vnnd raisz mit kurtzer schneidt hinweg, vnd schlach auch mit derselben kurtzen schneidt seinem Lincken Ohr Zw darnach geschwindt wider auff die anndern seitten herumb geschlagen. hat straich 3