Page:MS KK5126 104v.jpg

Hie hebt sich an die zetl der ritterlichen chunst des fechtens die geticht vnd gemacht hat hanns liechtenauer der ein hocher maister in den künst<e>n gewessenn ist dem got genadig sey des ersten mit dem lanngen swert darnach mit dem spies vnd darnach mit dem swert zw ross vnd darnach mit dem kurczen swert zw ross kampf vnd dar vmb das die kunnst fürsten vnd herr<e>nn rittern vnd chnechten zw gehort das sy wissenn vnd lernen sullenn so hat er die ritterlichen chunst yedleich pesunder lassen schreibenn mit verporgen vnd verdackten worten dar umb das Sy yeder man nit versten müg vnd hat das getan durch der schirmmaister willen die ir chunst ring wegen das von den selbm sein chunst nit ge offenwart werd lewtt<e>n die die chunst nicht in wierden chünen haldenn als den chunnsten zue gehōrt

Junger ritter lern got lieb habenn und frauen zo ere so [v]ächst dein ere vber alle Ritterschafft vnd lern chunst die dich ziern vnd in kriegen ser hoffiert ring<e>n ^ist guet die pesser sper swert ^vnd messer degenn mandlich zw peberben vnd in andern henden zu ver derbenn

das ist ein gemaine ler des langenn Swercz vnnd ist das die vor redt

[W]jld dw chunnst schauen sich tenncken vnd recht mit hauen vnd tennck mit gerechten jst das dw starck gerst zw fechten wer nach get hewen der darf sich der chunst wenig freien haw nachet was dw wild chain wechsler chumbt an deinen schilt zw chop zw leyb die zeck nit vermeid mit ganczem leib ficht was was (sic) dw starck gerest zw treibenn hor was da slecht ist ficht nicht oben lingk yst das dw recht pist vnd ob dw linck pist jm rechten auch ser hinckest vor vnd nach die zwai ding Sind aller ding ein vrsprung Swech vnd sterch jnndes das wort da mit merck so magstu lernen mit chunst arbatten vnd wern erschrickest dw gern chain fechten nymer lern funff hew lern von der rechten hand wider die were den wir in chunsten geloben gern zu lonen

[Z]orn haw twer schilcher mit schaitler alwer verseczt nachraisen vberlauf haw leczt durch wechsel zu streich stich mit stössenn zorn haw Wer dier oberhaut zorn ort dem trät wirt er es gewar nym oben ab ame far pis stercker wider windt stich sicht ers nym es nyder das eben merck haw stich leger waich oder hert jnndes vnd far nach an hurt dem krieg sey nit gach wes der krieg remet oben nyden wirt es verschemet in allen winden haw stich schnit lere finden auch sold dw nit prüffen hew stich schnit in allenn treffen den maistern wildw sy affenn // die vier plossenn

[V]jer plosse wisse zu rämen so slechstu gewisse an alle far ann<e> zweyffl wild dich rechen die vier plossen kunstlich prechen Obenn duplier in dem vecht mutier jch sag fur war sich schäczt kain man ane far hastu vernumen zu slag mag er klain chumen

[K]rump auf Behende wurf den ort auf die hennde chrump wer wol siczet mit sch reit<e>n vil hew lecz haw chrump mit flechen den maistern wild dw sy swech<e>n wenn es gliczt oben so stand ab das wil ich dich loben chrump nicht churcz haw durch wechsel da mit schaw chrump wer dich irret der edl krieg in ver wiret das er nit wais fur war wo er sey jnen far der twer haw

[T]wer benimpt was vom tag her chumbt twer mit der sterck dein arbait damit mercke Twer zu dem pflueg zw dem ochsen hart gefueg was sich wol twert mit sprungenn dem haubt gefert feler wer füeret nach wunnsch er ruret verkerer twinget durchlauf ser auch mit ringet den elpogenn gewis nym spring in die wage