Page:MS Chart.A.558 010v.jpg

Item dar vor oben beÿ der lincken hant werddent gut Doch get es gar kawm zu / Als stünde ein czale in der selben Zeÿl von vechten so lege die selben czale ob aber es geschehe gar hart also ist In auch in allen sachen

Darnach vnten sult Ir mercken waz mÿtten in der figur stet das bedewtet einen snellen tot vnd sig vnd gantzen verlust In allen dingen

It~ die czale darnach gein der Rechten hant ein verlust / den tod vnd vnsyg als denn dÿ frag ist doch ein cleÿne harrung darInnen

It~ die voren beÿ der lincken hant bedewt dÿ verlust den tot vnd auch vbel vnd vnsyg / Doch gar kawm / das einer wenet er sölt gesigen vnd liegt doch vnd darnach wisßt euch zerichtñ

Item in der figur mag man wol vinden waz ein man fragen ist alles daz / Obe es glucklich ader vnglücklich gee In dem ersten setze den namen / oder was du deññ versuchen wilt mit creyden auff einen Tysch In lateÿn vnd setze zü ytlichem puchstaben dÿ czale so sie denn da geschriben steen Im A b c / In dem Czirkel vnd thu ab albeg darvon xxx so offt du macht vnd das vberige halte vnd setze darnach den widerpart / das ist der ander name aüch mit dem A b c / vnd suche daññ an welchem ende / do Ir das vindet das merck gar wol

It~ am ersten sult Ir wisßen Das dise figur geteÿlt ist In vj teÿl als ich eüch do bezeÿchen will

Item das oberteÿl der figür in der mÿtte werdent das Recht glücke vnd den syg / das leben vnd alles gut

It~ daranch zu der Rechten hant / das bedewt auch glücke vnd darInne ein cleÿne harrüng vnd ist doch gut

Item das voren oben beÿ der lincken hant / das bedewt gut Doch get es gar kawm zü / als stund ein czale in der selben Zeyle von vechten So lege In die selben Zeÿle aber es /