Page:MS Dresd.C.94 307r.png

Item wehrt er dir mit der rechten hannd Vornen an die prust oder ann den hals so begreiff In beij der hannd mit deinnem rechten Arm unnd thue Im den ungenannten grif oder wennd dein roß vonn Im, so fellt er.

Item wenn du mit deinner rechten hannd die Seinnen begriffen hast, so nimb das gewicht mit deinner Linncken, beij seinnem Elenpögen, auch magstu den verporgnen griff mit nemen ob du wildt.

Item die stuckh treib wenn du gleich mit Im einher Reittest zu seiner Rechte seitten.

Nota

Ob du mit der Linncken seiten nit magst an In kommen, Wann Ir gefelet habt mit der gleven, so reitt ann In mit deinner rechten seitten, unnd wirff In mit den Sunnen zaigeren.