Page:MS 26-232 119r.png

dawm vnten sey vnd heng Im den ortt zw dem gesicht

Item waß dw auß den vier hutten vechten solt das vindest hernachgeschribenn

die Stuck treib auß der ersten hut vor dem linken arm

Ob es sich verwandelt
das Schwertt gegem [!] Schwert wurd gehandelt
Recht vas die Sterck
Taschenn hawen Such vnd Merck

Das Ist ob dw Ir beid von den gleuen wert komen vnd wie das zw gangen wer ee er zw seinem Schwertt wer kumen vnd du zw deinem

Item So reitt zw Sütten vnd leg dein Schwertt auff dein linke hand hawt er darauff durch ein oberhaw So vach Inn hoch auff mit deinem Schwertt vnd versetz den haw mit der langen schneidenn In die Sterck deins schwertzs das der ortt zw deiner .R. seitten Stee vnd In der Stich Im nach dem hals vert er hoch auff mit der versatzung hoch auff vnd wert den Stich So haw In mit der linken oder langen Schneydenn nach dem zawm oder nach der linkenn hand vnd reitt neben Im hin weck

Item ob dich das Roß vbertrag das Im die hand noch dem zawm nit erlangen magst So haw Im nach dem R pein In dem hinreytten

Item das lert die vij figur hie heb an denn man a [!] taschen haw zw Suchen

Item wen dw Im den haw versetzst als vor vnd wild der fordern Stuck nit treibenn So var Im mit dem knoppff In wendig vber sein Rechte hand bey dem gehiltz vnd truck die vast an die Brust vnd tritt furdich So nymstu Im sein Schwertt vnd die Stuck treib auß der obern hutt von der Rechten seyten

Er woll starck schutten
alle treffen an var Damit Im nott
an setz ver=
streiff henng Im zw dem hor

Hie merck wie dw den man zwingenn solt das dw Im ein vorteil angewinst vnd das dw Inn mit Sterck da zwinstu In das er sich muß Bloß gebenn