Page:MS KK5126 121v.jpg

stuck das da spricht mit seinem slachennden ortt schücz er sich

hie hebt sich ann die vierd huett zw champf mit Irn stuckenn mit dem churczenn swertt

Halt dein swert mit der rechtenn hannd bey der hanndhab vnnd mit der tenncken greyff mitten in die chlingenn vnd halt es mit der handhab vnder dein rechtes vechsenn vnd secz das ain gehilcz vorn vast ann die prust vnd halt den ort gegen dem // man [Steht nach der nächsten Zeile.]

Nu merck in die vierd huet sold dw chumen aus allenn hueten mit dem anseczen vnd das ver nym also wenn dw im aus ainer huet zw stichst ist dan sach das dw in recht trifft das dein ort vast in dem harn achst [!] so wind als pald das gehilcz an dein prust In die huet vnd dring in also von dir hin vnd las in von dem ort nit abchömen so mag er weder stechenn noch geslachenn

Ein ler alles das dw an wellest seczen das secz an das gesicht oder an den hals oder an die tennck achsel oder vnder das tennck vechsenn vnd wenn dw Im hast angeseczt ist er denn lenger wenn dw tring in also fur dich hin vnd wart das dein ort vber sich auf ge vnd Im die ring wol geseczt sein

Ein ler wenn dw im hasst angeseczt ist er dann churczer wen dw so las dein swert mit der hand vnder sich ab sinckenn pis auf dein tencke hüff vnd das dein ort vnder sich ste vnd In dy ring wol geseczt sey vnd dring in also vonn dir hin

Das ist der text von dem uor vnd von dem nach vor nach dy zwai ding prüeff weyslich lere mit abspring

dw solt vor allen dingen wissenn die zwai ding vor vnd nach wann aus denn get alle chunst zechampf das vor das dw albeg sold vor chumen e wann er mit dem stich oder mit dem slag so mues er dir verseczenn vnd als pald er mit der versaczung oder sunst an dein swert pindet so treyb dein stuck behendlich dar nach als dw prueffst als er swach oder starck am swert ist so mag er zw denn prüchen nit chumen dar nach das ist wen er vor chümbt mit dem stich oder mit dem slag das dw im versetzen muest so merck als pald als pald [!] dein swert mit der versaczung gliczt an das sein so slach Indes des nächsten plöß mit dem ort oder mit ringen so gewingst dw im mit der versaczung das ist mit dem nachsten vortail ann Ist sach das er dich vber eylt hat das dw mit oder mit sunst zw chainer versaczung chumen magst so trit pald zw ruck mit dem vorgesecztenn fues vnd wart das dw im pald wider an seczt oder begreyfst mit ringen mit einem zue trit des selbn fues Item zw dem chambp fechtenn gehort nit mer wan ein abtrit vnd ein zue trit vnd sunst vest gestanden dar vmbenn das dw nicht müed werst in dem harnasch

Das ist der text von nach rayssenn des chambpf etc

Volg allenn treffenn denn starckenn wild dw sy affenn werd er so zuck stich werd er In zw ruck

wie dw die starckenn äffenn vnd teẅschenn die do mit sterck vnnd lannck fechtenn vnd ir dinck mit sterck wellenn vber windenn vnnd vonn rechter chunst nit wellen haltenn die selben sold dw vber eyln mit nachraysen vnd durch zucken als dir her nach verchlart würdt da mit läst dw in zw seiner sterck nicht chumenn

wenn dw chempfen sold ist er dir dann zu starck so halt dein swert In einer huet vnnd trit do mit chünstlich zw im vnnd sich gar ebenn wenn er sein swert zeucht vnd wil stechen oder slachenn Indem so volg Im pald nach mit dem ort vnd secz im an e wan er den stich oder slag verpring wirt er denn des ansetz enn geuär vnnd fert starck mit dem swert vnd verseczt das sein ort neben dir peseyt aus get so zuck duch vnnd stich Im zw der anndern seytenn wert er das zwm anndern mal so zuck aber durch vnd das thue offt er verseczt vnd ruck vnnd eyl do mit pald zw im durch des willen ob dw in nicht recht trefst mit dem anseczenn das dw in mügst begreyffenn mit ringen das ist die chunst wider alle die die lenck vnnd weyt verseczenn vnd fechten zw dem swert vnnd nicht zw den plössen des leybs Das ist der text wie dw dich sold ab glosa ledigenn wan man dir hat angeseczt Greyfft er an das schyessen gesigt im ann