You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:MS M.I.29 133r.jpg"
(→Not proofread: Created page with "<section begin="1"/>Item Oder stich In vber seyn vor gesatzten hantt vnd druck dz swertt vnd den knopff nÿder zu der erden vnd setz Im ann ~<section end="1"/> <section begin...") |
|||
Page status | Page status | ||
- | + | Proofread |
Latest revision as of 04:18, 10 February 2021
Item Oder stich In vber seyn vor gesatzten hantt vnd druck dz swertt vnd den knopff nÿder zu der erden vnd setz Im ann ~
Item Oder setz Im ab zwischen dÿnen beÿdenn henden mit dem knopff gestossen fur den hals vnd vnten mit dem rechten peÿn getretten hinter syn linkes vnd dan vber geworffen
Item oder setz Im ab mit dem ort vnd Im angesetz an sin gesichtt
Item Oder durch wechsell mit dem knopff vnd setz Im do mit ab ~
Item Ob er die hant hatt vmb gewantt auff des clingen / stich ym oben In die finger vbersich auff ~
Ein bruch wider die ansetzüng
Item wider daß an setzenn Stich Im vntten durch sint hant vnd vber sin swertt vnd schlag den knauff vber sin lincke hant vnd druck do mit nider vnd setz Im ann ~
Item wen dir eÿner mit dem knaüff vnder den hals faren vber din rechte achsell So begriff Im den elnbogen mit diner lincken hant vnd stos In von dir vnd stich mit der rechten hantt krefftliglichenn hinden zu ~