![]() |
You are not currently logged in. Are you accessing the unsecure (http) portal? Click here to switch to the secure portal. |
![]() |
Do you have permission to re-use this image? Just because scans appear on Wiktenauer does not mean that they are free to use. Wiktenauer is a 501(c)(3) nonprofit, and many of the scans we host are only licensed for nonprofit use. In other cases, the scans have no standard license and Wiktenauer has received special permission to host them (and can't grant that permission to anyone else). The license terms appear in the Copyright and License Terms box at the bottom of the page that sent you here. When in doubt, always check with the museum or library that owns a manuscript before publishing or otherwise reusing its scans. |
Difference between revisions of "Page:Gründtliche Beschreibung der Kunst des Fechtens (Joachim Meÿer) 1570.pdf/143"
Page status | Page status | ||
- | + | Not proofread |
Revision as of 21:07, 3 April 2021
cken vndersich sincken / zůck hiemit dein Schwerdt mit hangender klingen vmb deinen Kopff / vnd Hauwe in einem zůsprung / ein hohen vnd gewaltigen streich gegen seinem Lincken ohr / so bald der hauw getroffen / als bald zůcke dein Klingen gerad vbersich ab / vnd bleib also mit den henden hoch vber deinem Kopff / die Klingen aber lasse hiemit neben deiner Lincken seiten vndersich sincken / zů einem Vnderhauw gegen seinem Rechten Arm / vnderdeß sencke dich mit dem obern Leib eylents vndersich / vnd lasse dieweil deine Lincke Hand vorm hefft ab / vnd ergreiffe mit derselbigen dein Schwerdts klingen in der mitte / fahr jhm also von vnden auff / behendiglich (dieweil er mit seinem Armen dem ersten streich zůuersetzen hoch ist) an seine beide Arm / wann du jhm nun also seine Arm zwischen dein beide hend / mit der langen schneide deines Schwerdts auffgefangen hast / so winde mit gewaldt mit dem vordern ort aussen vber seine beyde Arm / ist er zů starck / vnd dringer vbersich / so bleibe gleichwol mit deiner klingen hart an seinen Armen / vnd wind mit dem Knopff vnden durch / greiffe mit demselbigen außwendig vber seinen Lincken Arm / vnd reiß mit gewalt vndersich auß / in dem du also mit deinem Knopff vndersich zů dir außreissest / so setze jhm dein vordern ort mit der Lincken hand vber seinen lincken Arm / innerhalb seinem rechten in sein gesicht / will er aber mit seinem Schwerdt weitter arbeiten / so ergreiffe jhm sein Rechte auch mit dem vordern theil deiner Klingen / vnd reisse vndersich / vnd schlag jhn mit deinem Knopff in sein angesicht.
Bruch.
WAnn du gewahr wirst / das dir einer mit seiner klingen aussen vber deine beide Arm winden will / so lasse dein Lincke hand von dem Knopff / vnd ergreiffe damit dein Schwerdts klingen in der mitte / fahre dieselbige weil mit deinem Knopff zwischen seine beide Arm / vnnd greiffe mit demselbigen / von inwendig vber seinen Rechten Arm / reiß also mit dem Knopff zů dir / vnd mit der klingen truck von dir / so nimst du jhm sein Schwerdt / Also folget immer ein Bruch auff den andern.
Ein Ander.
IM zůfechten fúhre dein Schwerdt mit außgestreckten Armen / außgestreckt vnd lang vor dir her / vnnd merck fleissig auff die gelegenheit / wann du die ersehen / so Hauwe abermals mit herumb gezucktem Schwerdt / ge=