Page:MS KK5126 105v.jpg

dein Sper bericht gegen reẅten mi^ach zw v nicht ob es enpfalle dein ennde im absnalle haw drein nicht zuck von schaidenn linck zw im ruck Greyff Im sein rechte so fächestu in ane fechtenn das gläfney stechen fechten sitikleich an hurt lern prechenn ob sich verwandelt das swert gegen swert wiert gewandlt recht fasse die sterck daschenhaw dw suech vnd mercke lern wol // schutten starch // allenn treffenn anne far da mit in net secz an fare wer scheußet hing im zue dem hare wildw geruet lang jagen das es ser muet wer das im wert so wind das aug versert wert er im nu fur pas fach zaum vnd bese nicht las pedenck die plöß suech meser nicht ward kosse [!] zwen strich lere mit larer hant gegen der were der schafgriff weret sich ringen zu dir keret als vnder augen angriff in recht mit mit [!] ringen wer dich an strecket wider reytens der wiert geuellet zu der erdenn hangens vber greiff in recht mit geparden zu paiden seyten dw in an ler dich alle wider rewten ob dw wild rewten roslaufs zu den andern seyten die sterck schütt an secz da mit nott in wer wert dir das weit swert fach no der hannd has [!] oder vmb kere mit allen chünsten der Jagt der schick ob dw verjagest vnd an dannck linck tagest [!] sein swert auf taste vnd ring stos mit faste Jagt man rechtens halbm ker vmb wart rechtens halb mit armen fachen so mag dir kain schad nachen die messer nemen pehaltn lere an schemen den vngenant der starcken Ja verbant ir slachenn Ir stechen verdirbt an alles fechtenn wildw an wassenn neben rewtens nicht soltu lassenn das sunnen zaigenn linck erml treib wild dw naigen das vorhaubt taste gegen nach truck sere veste das er sich swencket vnd selten wider auf gelencket Wer dir das rempt vber greys [!] den der wirt geschämpt druck arm zw haubt der greiff offt satel peraubt wild dw dich aber massen des fachens becht von dir lassen ringens den fure gefangen an der snüre den vor griff merck der pricht fur was sein sterck

Das seind maister hansen liechtenauers fechtenn im harnasch zum champf

wer absinnet fechtens zw roß peginet der schick sein sper zwen sten an heben rechte wer sper vnnd ort den vorstich / an stich // vorcht spring wind secz recht an wer ee zuckt das gesigt im an wild dw verstechen mit zuckenn lere wer prechen merck wil er zuckenn von schaidenn vnd wil er fliechen so solt dw im nachen Ja weyslich ward des fachens

Das seind die Ringen zu dem champf

[O]b dw wild ringenn Hinder pain recht lere springen rigel fur schiessenn das vorpain kunstleichen sliessenn von paidenn hennden ob dw mit chunst gerest zu enden ob es sich ver ruckt das swert gegen sper wiert gezuckt der stich Ja wer nym spring vach ringens eyl zw im linck lannck von hanndt slach spring weislich vnd den stich ob er wil zuckenn von schaiden stich vnd druck in das er die plöß mit swertes ort verdrosse leder vnd hantschuech vnd augen die plöß recht suech verpotne ringen weyslich zw lere pringenn zw sliessenn winde die sterck da mit vber winde in aller den ort gegenn der ploß cher wo man von schaiden swert zucken sicht von in paidenn So sol man streckenn die schutten von in paiden mercken vor nach die zwai ding prüff weyslich lere mit ab springen volg allenn treffen den starcken wildw / äffen sy // wert es zuck stich werd es Ja zu im ruck ob er lannck ficht so pist dw künstleich