 |
You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:Cod.icon. 393 II 232v.jpg"
(→Not proofread: Created page with "'''Habitus quo pudenda adpetuntur''' contra effigiem aversionis. '''Sinistrum''' pedem praeponas, si in hoc contressu propius ad hostem concesseris, in latere dextro hastam m...") |
|||
| Page status | Page status | ||
| - | + | Proofread | |
Revision as of 01:19, 15 November 2018
Habitus quo pudenda adpetuntur contra effigiem aversionis.
Sinistrum pedem praeponas, si in hoc contressu propius ad hostem concesseris, in latere dextro hastam manu itidem dextra in medio contineto, adiuncto pectori scuto, et inde versus buculam hostis hastam coniicito. Sed si adversarius idem contra te usurparit, sinistrum pedem praefigente, hastam utraque manu in latere dextro retinentem iuxta pectus in latus dextrum tuum impetum hostilem removeto hasta. Post dextro consequitor pede iugulum ipsius hasta tua impetito. Hoc itaque perfecto negotio, hastam et scutum abiicias, atque educto ense pubem adversarii mucrone adpetas. Verum si hostis idem contra te molitus fuerit, stricto ense vim istam adversarii intra manum utramque ense medio excipias. Inde consequutus dextro mucronem versus buculam hostis coniicias punctionis habitu. Sin id exceperit adversarius ense ensem medium utramque manu corripias, pedem praepositum cruce et nodo ensis si conquassaris, retrorsum inde ab hoste convertas.
