dimicationum certe athletis exiguam laudem auferes.
Si igitur eam luctae speciem omnibus manifestam reddere voles, utque omnibus deprehendere liceat, tunc eum in modum te praepares: sinistrum latus tuum dextro hostis adiungito, atque manu dextra adversarii brachium itidem dextrum iuxta manum corripito, protrahasque ipsum premendo, nec non retorqueas, verum manu sinistra cubitum ipsius dextrum adprehendito. Inde propellas cubitum, sed dextra manu brachium ipsius dextrum rursus super sinistrum brachium tuum pertrahas. Inde autem brachium hostis dextrum sinistro tuo sursum attollas, atque eo modo ipsum cepisti, et citra omne vinculum ligasti eum insuper captivum retineas quamdiu tibi libuerit. Is habitus utrinque formatur.
Admonitio, ut semper hostem prior corripias
Magnopere curabis, ut semper corripiendo hostem praevenias, nam si is correptiones atque luctas in primis autem quatuor species luctarum principales (quarum prima est correptio iubata, secunda innominata, tertia occulta, quarta demonstrandi solis ratio), prior arripuerit, tu praepedieris, ne ullos habitus praescriptos exercere possis. Interea etiam freno hostem irretiendi habitus ne obliviscaris. Cum praedictas luctae species rite et artificiose noveris et exerceas,
