Cornelius Tacitus Vnnder den alten · vnd Johannes Auentinus · vnnder den Newen · haben meines erachtens · die art · aigenschafft der vralten Teutschen· vnnd der Römer · wie die Inn der Jugent auferzogen · vnnd die Ritterspil geubt haben · am aller Cleristen · herfurgethan · vnnd beschriben · Inn welchen beschreibungen klar gesehen wirt wie die alten Teutschen vonn Jugent auf Inn aller Ritterlichen vbung · erzogen worden sein /
Gar kainnen wein Haben sie beÿ Inen wachssen vnnd auch kainen zu Inen fieren lassen · Ire klaider seind vast dem leib nach geschniten · vnd gar enng gemacht worden, Sie haben auch kainnen Kaufman frembde gezierd · klainat oder klaidung zu Inen zefiern · gar nit gestattet · Ire gewho°rn · seind schwerter · Mordagst · aletspies · vnnd schmale kurtze eisen · die sie frim~en · das seind sto°ßdegen vnnd Tolchen beÿ Inen gewesen · kaine · helm · oder eÿsenhuet haben sie anfengklich gehabt · aber Schiltlin Tartschen vnnd Bafesen · darhinder sie sich tapffer enthuelten · vnnd dieselben fein mit farben geziert Daher die Schilt vnnd Wappen herkomen · pfeil zu dem werffen vnd schiessen · auch Scheflin haben sie auch gebraucht · Es hat aber kain Junger gesell kain seitenwho°r an Im tragen do°rffen · Er habe dann von seinen Nachbauren · das er ein Redlicher Mann · vnnd tauglich zu der who°r were · gute zeugknuß zuuor gebracht · Solche zeugknuß muste diser so die gehwo°re tragen wollt · auf der nechsten versamlung vnnd Lanndstag furpringen Alßdann gurtet Ime die Oberkait · oder nechste freund · die who°r vmb · vnnd hiengen Im ain schildt an den hals · wunschten Im gluckh · als Dann ward Er auch ainer von der lanndtschafft · ernennt · Inn dem Krieg vnnd streit · hiellten sie disen gebrauch · das sie Ire weib vnnd Kinder · vnnd ob die schon Inn der wiegen lagen · mit sich fuerten · die musten den mannen kochen · das essen vnnd trincken zutragen · die wunden Ölen · trucknen · binden · hailen vnnd zaigten dann · Iren Muettern · vnnd weiben Ire wunden · darab sÿ gar kainen grausen hetten · sonder sie vasst darumb lobten · vnnd wann sie ain schlacht hiellten mit den feinden · So musten die weib vnd kinder nicht weit von Inen hallten · auf das die mann die Jungen vnnd klaine kinder horten wainen · alßdann schrien vnnd ermanten die Weiber die männer · das sie tapffer vnnd keckh nicht allain fur
