die kurz schneid oben gwand seÿ
Item die viertt hutt haist vom tag da schick dich also mit und sez dein lingken fus vor und halt dein schwertt mitt aufgereckten armen hoh uber dein haubt mit dem spiz und stee also in der hutt
Das ist der text von vier versezen
Vier send der versezen
die die maistr oder leger auch serelezen
vor versezen hiett dich
gsicht e[ss] dir es miett dich
gloss merckh du hast vor gehertt von den hutten so solttu nun wissen [D]as hew im versezen die vier hutten brechen wiss das die [k]ron versezen nit darzu gehertt wan es Sind vier hew die sÿ brechne
Item der Erst haw ist der krumphaw der bricht die hutt aus dem ochsen Item der ander haw ist die Zwerch bricht die hutt vom tag Item der dritt haw ist der schilchr der bricht die hutt die da haist der pflug Item der viertt haw ist der schaitler der bricht die hutt die da haist der alber und wie du vier huttn mit den hewen brechne solt das vindestu daruor zu den hewen gschriben darum so hiett dich das du nitt (mitt) vil versezest wilstu anderst nit gschlagen werden
Das ist der text von dem versezen
Ob dir versezt ist und wie das dar komen ist her was ich dir Ratte Reis ab haw schnel mit dritten gloss merckh ist das dir ainer versezt hat und wil sich vom schwertt nit abziechen und maint er wel dich zu kainem stuckg lassen komen so thu als ob du dich vom schwertt wellest z[ie]chen und
