Schwert nemen
Item wann du zu dem Mann reittest zu seinner linncken seitten mit ainnem uberhaw, so stich Im nach der plösse mit gestrackten armen unnd hawet er mit dir gleich ein unnd ist starckh mit dem schwert unnd will dich uberstercken, unnd sucht dir die ploß auß mit dem Ort, so fare mit deinnem linncken arm von Innwendig, aussen uber seinn schwert unnd truckh das fasst Inn dein linncken seitten unnd Reit neben Im hinweckh, So nimbst du Im das schwert, Unnd das lert die sechzechend Figur, die spricht die wehr fach Inn der weittin Inn ~ Dem widerreitten.
Item ob du nahent an In kompst, so far mit deinner linncken hannd auf sein rechte hannd unnd laß In damit nit zu der Wehr kummen unnd treib mit der linncken hand die stuckh und Ringen die da vor unnd nach geschriben steen.
Oder umbker
Gerwt zu Jagen der wehr
