oder fall unden in den schneidt.
Das is der tolx von dem uberlauffen.
Wer unden nemet
und uberlauft der wirt oben geschemet,
wann es glitzt oben
so starckh dich dz beger ich zu leben,
dein arbait mach
waich oder hart, und trukh dz zweifach
glos merkh dz wer dir unden zu ficht, wie du im solt uberlauffen dz vernim also, wan du mit dem zufecht kumpst, hauet er dir dann unden zu dz versetzt im nit sonder merkh wan sein underhauw gat so hauw in von deiner rechten achsel oben langen ein, und scheub im den ort zu dem gesicht oder brust, so setz im an so mag er dich nit unden erlangen, fert er dann von unden auff und versetzt so bleib mit der langen schneid auff dem schwert und arbait behendigkhlich zu der nechsten blos.
Item vermerkh wan du im starkh auff sein schwert binden hasst schlecht er den aus der versestung umb die zu der andern seitten so bind er oben mit der langen schneid starckh auf die schwech seines schwert oben ein zu dem kopff und arbait ain zu der blos also widerumb treib zu baiden seitten.
Das ist der talx wie du stich und heuw absetzten solt
