Aber ein stuck
[W]enn du reittest zu seiner linckn seyten so leg dein schwert auff dein linckn arm in die hut. haut er dir den oben ein zu dem kopff so versetzt mit der langn schneid und hau im aus der versatzung einen freÿhen oberhaw zu dem kopf
Text vnd den hindern ansetzn
Jagt man rechten
halb ker umb wart vechtens
mit armen vohen
so mag dir kein schad nahn
[O]b sach were das dir einer denn ruck angewinnne oder sunst hinden an dich kum es wer mit einem spies oder mit einem schwert so merck will er dir hinden setzenn an dein recht seitenn so wend dich aus dem stich auff dein lincke Oder setzt er dir ann hinden an dem lincke seytn so wendt dich aus dem stich gegenn im auff dein rechte seytn und reyt do mit an in unnd arbeit mit dem schwert oder mit dem ringen
das lert die virundzwentzigst figur die spricht also (Ob man dich jagt von baidenn saittenn ker umb linck so er recht kumpt)
