This page needs to be proofread.
[M]erck das erst stuck aus der neben hut vom rechten pein das treib also wenn du zu im reytest so halt dein schwert nebenn deinem rechten bein unnd stich im langk aus geracktenn armen zu dem gesicht versetzt er denn stich so var auff am schwert mit der rechten hant inn die ober hut und heng im den ort zum gesicht. Pleibt er am schwert unnd reit nohent an dich so var mit der lincken hant inwendig auf yber sein rechten arm und schlag im denn zaum domit daruber und begreiff mit lincker verkerter hant deinen zaum wider unnder seinem rechten arm und hald vast also ist er ver schlungen mit dem zaum
