Text von dem taschen
[O]b es sich verwandelt
das schwert gegn schwert wirt gehandelt
recht vas die sterck taschen haw
du süch und merck
glosa [D]as ist ob ir baide wert komen von den glefen und solt vechten mit schwerten, so merck wen dw zu im reittest das du dein schwert legst auf denn linckenn arm in die hut unnd reeit im geleich unnder zu seiner rechtenn seitenn haut er dann auf dich oder sticht dir zum gesicht so var auf und versetz das dein ort stee gegenn seiner rechtn seiten unnd stich im Inndes zum gesicht versetzt er denn stich unnd vert do mit hoch auf so var hau im mit der langen schneid nach dem zaum oder nach der linckenn hant
Oder
[O]b dich das ros vertrug so hau im nach dem rechtenn pain im dem hinrennenn
das lert die sibent figur, die spricht also (Hie heb ann den man taschenn hau zu suchenn)
