This page needs to be proofread.
[W]enn du gegen im reittest so halt dein schwert mit der rechtn hant bei der hanthab unnd mit der linckn greiff mitten in die klingen unnd leg es also fur dich auff den satelbogn reit er dir denn auff dein rechte seiten gegenn dir unnd haut dir oben ein zum kopff so versetz mit dem schwert von deiner linckn hant und stich im zum gesicht
oder kumpt er ze nohent an dich das du im nit zu stechenn oder versetzenn magst so var im mit dem vordern theil deines schwerts vornn yber sein lincke achsell umb den hals unnd ruck in domit zu dir auff die seytt
