Das ist wenn du dein glefen verschossen hast behelt er denn die sein so nim gar eben war wie er sie gefast hab ob er den ort lanck oder kürtz fur sein vorgesetzte hant last furgenn unnd ob er dir oben oder unden domit wil zu stechn
Hie merck das stuck
Wenn du hast ein schwert und er ein glefen, hat er sie dann kürtz gefast und stelt sich domit in die ober hut, so leg dein schwert auf dein lincks knie, in die hut, sticht er dir denn oben ein zum gesicht, so var auff und versetz den stich mit dem schwert, fur deiner lincken hant, gegen seÿner rechten seiten, und var domit auf an seÿner glefen in die ober hut und spring zu im und setz im an, triffestu in dan nit recht, mit dem ansatz, so las dein schwert zu hant fallen, und eill zu im und wart der ringen.
Aber ein Stuck
Wenn du wilt ein schwert unnd er ein Glefen, stet er dann domit gegendir in der unntern huet, und
