~Merckh die arbait mit dem Degen zu Kampf.
Nun soltu wissen, das Das maisten tails alles Kampffechten in harnisch, auf das lest kumbt zu dem degenfechtn, unnd zu den ringen, Darumb merckh, wenn du mit im ein lauffest, ~So wart annders nit, dann der rinngen, und laß deinen degen stechen, in der schaiden, ~Wenn du magst im domit nit geschaden, durch den harnisch, dieweil er vor dir stet, unnd hinntert dich in der hannt, wenn du im solt vassen mit ringen, Oder wenn du in geworffen hast, und sein mechtig pist, Erst so arbait mit dem degen zu den plössen, so dir hernach verklert# sint verklert worden
^# [Marginal note:] werden und
ein anders
Kumbstu mit im zu ringen, Wirfstu in dann auf denn ruckh, so vall mit dem leib ÿber sein antlitz,
Und vas in beÿdenn hals, unnder ein arm,[1]
- ↑ Text was effaced and unnder ein arm written over it.
