Vnnd soll jm Fürgehalten werden articul vnnd puncten wie hernach volget vnnd wa Es sach were das Er sich solcher articul vnnd puncten wie hernach volgt nit wuste zu halten so soll auch der verbenant new maister nit zu gelassen werden vnnd soll auch auch jn solchen Nider knien zuuor 2 ß jn gold auff das Schwert legen, solch zwen gold ß soll der haubt man zu dem Schulgelt legen vnd versorgen /
11. Jttem zum Ersten sol Er Schweren wa Es sach were das Er zu Einem Eid Erfordert wurdte denselben wol zu bedrachten niemant vnrecht zuthun wed[er] durch gabe Oder anderst, Sonnder allain der gerecht igkait trewlich vnnd On alle geuerde beizusteen /
vonn mith so er schweren sol[1]
Zum anndern soll Er Schweren, Das Er mit kainer Leichtfertigen Frawen nit zu schaffen haben wölle Oder jm lannd vmb zuziechen auch kainem maister dise Kaÿserliche Freiheit gestatten zuuerhelffen zuthun Gestatten /.
Zum Dritten so soll Er schweren das er mit kainem Leichtfertigen gan nichts soll zu schaffen haben als mit namen hencker schnider hurwart hiepen becker Oder jrs gleichen auch keine gemainschafft zu jne suchen mit wortten Oder wercken One vrsach Oder alle geuerdt außgeschlossen /.
- ↑ Third writer, probably Paulus Hector Mair
