It~ versetz wie vor mitt der langen Schniden vnd hauw zwenn vnderhauw starck ineinander Stich vnd hauw im von thach oder wan du die unTeRhauw[1] gethon hast So hauw als balt ein mitelhauw vnd oberhauw durch Creiz ineinander
[Marginal note:] Döpel vnder h.
Itẽ nim wegk im wechsel sin stich las also vmb den kopf faren vnd drauw mit dem stich zu siner rechtẽ zu stechen, thus nitt sonder schlag im zur linckem Wan dür einer im wechsel ligt So hauw von diner rechten achsel gegenn seiner blös vnd wehrvff über zwerch vff sein wehr So mag er nit auf kumen zu volkumener versatzung sonder mus Sich blösen vnden vnd oben vnd raumbt dür frey zu stehen vnd hauwen, hab nur acht auf Das noch reisen,
[Marginal note:] nochreißen
Ein ander ligt dür einer im wechsel So stich von deiner rechten seütten von vnden auf zu seinẽ leib so mus er weren zu seim schaden dan er Raumt dür zur vndern lincken blös zu stechen oder zu hauwen ·;·
Fus hauw
Fus, hauw ist ein fürnemer haw im Rapier den man fast in allen stucken braucht diewill er so oft widerholt würt wil ich kurcz sin eügenschafft anzeigen
- ↑ Korrigiert aus »mitelhauw«. Corrected from “mitelhauw”.
