vnd halt fest So prichstu Im den arm~ auch nÿmpstu Im den degen ob dw wild ~
Ein anders
Wenn dw Im den arm~ mit paiden henden begriffen hast So raid vmb vnd wendt dich durch auf dein rechte seitten vnd prich ÿm den arm~ vber dein lincke achsel
Aber mit leren henden
Wenn dir einer zu sticht So begreif ym den arm~ mit paiden henden vnd trit wol zw ÿm vnd wendt dich auf dein rechte seitten vnd prich ÿm den arm~ vber dein prust
Oder treib das ringen
Var mit deiner lincken hant vorñ für sein hals vnd schreit mit deinem lincken fues hinder seinen rechten vnd würf ÿn vber dein lincks knÿe aus dem fuess ~
Mit leren henden
Wenn er sticht so begreif Im die rechten hant mit deine° lincken vnd mit der rechten begreif Im vnden den elpogen vñ zeuch do mit do mit zu° dir vnd mit der lincken stos ym den arm~ oben von dir vnd spring mit deinem rechten fuess hinder seinen lincken vnd würf ÿn aus dem fuëss vber dein rechtzs knÿe ~
