Bruch
Sticht er dir von oben nider, unnd hat den degen gefasst das die Scheub hinnthen an der hannt steet, So faß deinn degen auch also, Unnd stich vonn unnden auf mit ver khertem degen, gegen seinem stich, Unnd laß dir die hannt nit begreiffen, Unnd stich in das gesicht.
Aliúd
Hat er den degen gefasst das die scheib hinnden an der hannt steet, So faß den deinnen auch also, Sticht Er dir dann oben zu, So Stich, von unnthen auf Von deinner linnckhen seite, gegen seinem stich, mit Verkherrtem degen, Unnd far mit deinnem degen ÿber seinn, arm, vern[!] Peÿ der hannt und druckh nider, mit dem degen, Unnd mit der linckhen Nim im dz d gewicht beÿ dem elbogen.
