Von dem Schlosringen
Diß niederwerffen geschiht wen sie beide einand‘ an die achsel greiffen, der eine imwendig der ander auswendig das arms, ist aber zum meisten am gewichte gelegen, welches der Autor mit seinem lincken bein anzeiget, vnd des kegenteils schenckels vnter dem knie seidlinges weck weget, vnd zuegleich auch mit seiner lincken hand, des andern lincke bein in die hohe hebet, vnd ihn also zur erden fellet.
Dis mus aber alles geschehen, wen man sich bei den armen vnd schenckeln faßet, zuvor ehe man sich bei dem ganzen leibe erwischet oder angreiffe, ich halte es aber fur gewisser vnd sichern an bloßen zufulbringen alß wen ich mit beiden armen kurtz vor seinen henden abwindet, vnd greiffe darnach mit meinem lincken arm vber seine achsel an seinen hals, darnach mit meiner rechten an sein gemechte zwischen die beine, mit meinem linckem bein hinter sein rechte wege am beine, drucke am halse vnd hebe am gemechte, so kan er sich nirgent hin lencken winden oder strecken alse nur allein zue erden, vnd solches geschiht auch auf beiden seiten zur lincken vnd rechten.
