Item den anderen pogen treyb alzo leg dich mit dem messer auff deyn lincke seytten alz vor und wenn er auff dich hawtt auff deyn lincke seytten nach der plöß So peug mit deym messer auff unter seyn messer auff deyn rechte seytten und daß der ortt gee auff deyn rechte seytten und daß gehultz stee gegen deyner lincken seytten und der dawm unten und daß dy lang schneyd gegen dir stee und schreytt auß dem haw auff seyn rechte seytten eyn czwiuachen trit wol umb yn und haw ym zw dem kopff seyner rechten seytten etc
Item den dritten pogen mach alzo leg dich mit dem messer auff deyn lincke seytten daß der dawm oben lig auff dem messer und der ortt deß messerß auff der erden und dy stumpff schneyd sey gekertt gegen dem man So er denn auff dich hawet so peug deyn messer auff deyn rechte seytten unter seyn messer und
