nit vergiß der schnitt
Nit vergiß der schnit
Zwen vnten zwen oben mit
Hie saget der meinster von den schnitten vnd von iren eygenschafft vnd spricht dz der schnitt vier sigen die zwyn ersten die zwin oben gehoren zu triben gegen den vechtern die vß dem pand gan vnd die do gern mit dem messer vmb sclagen zu der andern siten vnd b dz bricht er mit dem schnitt also wan er dir versetz oder sunst an din messer pindt zu diner lincken siten vnd schlag do mit bald vmb mit dem entrusch haulb oder sust zu diner rechten siten so spring vmb vß dem haulb mit dinem lincken fus vff sin rechte siten vnd fal im mit der scharpfen schniden oder mit der langen schniden vber sin arm vnd druck in mit dem schnitt von dir dz soltu alwegen triben wan er vß der versatzung schlechtt ~
Item lig er vff siner rechten siten bÿ den oren vnd list vff sinem messer es sy vnten oder oben so er wil dan vmb schlagen zu der andern zÿnnen dines lincken ores so schnid im mit der kurtzen schniden in sin rechten arm Inlbendigs dz ist der ander schnitt
