Item Aber ein ander hengen mit zwihen winden dz tribe also Wan du mit dem zubechten zu Im kümpst so ste von diner lincken siten in den stier haut er dan oben zu siner rechten siten so wind gegem sinem haulb die scharff schniden an sin messer vnd stich im oben zu dem gesicht dz ist aber eyn winden Setz er dan den stich abe gegen siner rechten siten so plib im am messer vnd wind wider vff din lincke siten wider in den stier die flech an sin messer vnd stich im oben zu dem gesicht von diner lincken siten dz in dem stich die stümpf schnid vnten ste also hastu zweÿ winden an sinem messer ~
Item Nu merck wie du vß den vier hengen solt triben acht winden dz erst vber hengen hat zweÿ winden vnd trib dz also wan du mit dem zu vechten zu im kümpst so ste von diner rechten siten in den stier schlecht er dan oben in zu diner lincken siten so wind gegen sinem haulb die kurtz schnid gegen sinem messer wider in stier dz ist eyn winden setz er den stich ab von siner lincken siten so plib am messer vnd wind wider vff din rechte siten in den stier die flech an sin messer vnd schlag in oben zu dem gesicht dz ist eyn hengen von der rechten siten mit zwien winden an sin messer ~
Item du solt auch wissen dz vß den vnter zwiehen
