thüm vnten vnd dz die lang schnid gegen dir ste vnd schrit vß dem haulb vff din rechte siten eyen zwiffachen drit woll vmb In vnd haulb im zue dem kopff siner rechten siten
alliud
Item den dritten pogen mach also leg dich mit dinen messer vff din lincke siten dz der thüm oben lig vff dem messer vnd der ort deß messers vff der erden vnd die stümpff schnit sÿe gekertt gegen den man so er dan vff dich hautt so pueg din messer vff din rechten siten vnter sin messer vnd hab din schult dz ist din versatzüng wol for din haupt vnd schrit mit dinen lincken fus wol vß dem haulb vor sinen rechten siten I vnd haulb im Indes durch sin haupt siner rechten siten ~
alliud
Item der vierd bogen ist zu machen vff der lincken siten vnd thün dem also leg dich mit dem messer vff din lincke siten dz der ort vff der erden sÿg vnd der thüm oben ste vff der flech vnd gib dich ploß mit diner rechten siten
