nahent diener lincken siten vff der erden dz die kürtz schnid im messer oben sy vnd gib dich mit der rechten siten ploß haut er dir dan zu der ploß So schrit mit dinen lincken fuß wol vß dem haulb vff din lincke siten vnd schlag in mitten der kurtzen schniden uber sin messer by der hant vnd wind im die lang schnid vff sin hauptt oder stich im zu dem gesicht
Sequitur weck linck nicht kurtz haulb
Weck linck / nicht kürtz haulb
den wechsel recht paulbe
Hie saget der meinster eyn bruch wider die hut lueginßland vnd vß dem stier den bruch trib also wan du mit dem zu vechten zu dem man gest Stot er dan In den obgemelten hutten oder leger eynem vnd stest in der schranckhutt So thün glich alß dü im den wecker wollest haulben zu siner lincken siten vnd verspring den haulb nicht Sünder wechsell Indeß durch vff die andern nesten zynnen vnd stich Im zu dem I gesichtt vff sin rechte siten oder im dem wechschell so schlag im die kurtz schnid vber sin messer vff siner lincken siten vnd haulb im die recht schnid durch sin kopff ~ Sequitur textus
Sequitur den wecker linck haulb
