sa deffensive viendra batre ta pointe du dedans, comme luy estant plus commode, & a son avantage, alors il te faut baisser sa pointe en bas, & luy porter au costé droict en quarte haulte, sil vient a la rabatre, tu te leveras de ta posture avec resolution, & le frapperas en l’espaule, on pourroit encore feindre des coups semblables, ma j’y mettray fin pour ne vous point atedier par la longueur de leur lecture.
DE LA PREMIERE
Contre la Tierce
Chap. 19
SI tu te mets sur la tierce, & que ton ennemy soit en premiere, & quil te tire, il te faut parer, & luy presenter la pointe de ton espee an visage, afin qu’il pare, & ce pendant qu’il pare, tu passeras de son costé, le frappant de la seconde
En parant encores la mesme botte, tu luy
