Page:Discours de la théorie de la pratique et de l’excellence des armes (André des Bordes) 1610.pdf/40

pourras donner une balafre au visage, & parer soudainement en luy ravallant une jartiere, en parant mesme tu peus entrer du pied gauche & joindre les bras de ton ennemy a son espee, luy donnant une estoquade en l’estomac, outre cela tu luy pourras oster son espee en tournant ton bras gauche.

DIVERSES MANIERES De la premiere

Chap. 20.

Si tu veux aller couvrir l’espee de ton ennemy ou dehors, ou dedans, afin qu’il la desgage, tu le pourras frapper a mesme temps qu’il la meut, mais sil veut charger la tienne, & qu’il ne meuve la sienne, tu ne feras que tirer ta main en la seconde, luy presentant la pointe a l’estomac, & il sera frappé, ainsi congnoistra on que l’angle bat la ligne droitte, en observant la posture que j’enseigne.

Ce pen-