Tu pourras encor pendant quil couvre, aller resolument de seconde a sa face, afin qu’il leve le bras, & le levant, a mesme temps passe soubs son espee, & lors tu le frapperas de seconde. Encor que tu couvres du dedans, tu pourras tirer dessus son espee, & l’aller frapper du pied droict.
En couvrant du dehors, tu feras feinte de passer soub son espee : & rabaissant aucunement la pointe, tu la tourneras soudainement en son estomac, pourveu que ce soit sur sa propre espee pour n’estre point subject aux feintes quand ton ennemy en fera, il te faut abaisser ton espee en quarte basse, voyant que telle garde peut parer toutes sortes de feintes.
Mais il y a tant de diversité que chacun les faict a sa faintasie, voila pourquoy je veux àdvertir tout le monde de bien parer de l’espee pource que cela sert beaucoup a l’occurrence des querelles,
Nous laisserons a part tout ces coups qui se font
