donneras une estoquade en la main du dedans afin qu’il pare, d’autant qu’en parant tu auras le tem ps de luy oster son pougnart avec ta main gauche, en passant du pied gauche, puis tu le frapperas ou l’occasion se presentera.
Pour t’enseigner une autre maniere, je veux que tu tiennes ton pougnart en premiere, & que tu assailles ton ennemy, & comme il voudra parer le coup, tu passera soub son pougnart, luy donnant une estocade en l’estomac, mais si tu veux attendre, tu prendras garde comme ton ennemy tient son pougnart, s’il le tenoit bas, venant pour te frapper avec resolution a mesme temps qu’il tire, r’encontre son bras du pougnart avec ta main droitte, tenant le plat du pougnart derrier, du costé droit, & ainsy tu le desarmeras.
Aultre (exemple) Sy tu te metz en seconde & que ton ennemy t’attende en premiere, & que sur ceste garde il te tire, tu rabattras avec ta main gauche son pougnart, & passeras du
