Im Indes zu dem angesicht oder zu der brustt
Item ein ander stuck
wan du stest zu diner rechten siten In dem pflug haulb er dir dan zu der lincken oben zu der ploß so far vuff mit dem schwert vnd wind do mit vff din lincke sitenn gegen sinem haulb dz gehultz vor sin haubtt in den ochsßen vnd schrit do mit zü mit dem rechten fus vnd stich im zu dem gesichtt oder bruest vnd die stueck tribe von der lincken siten auch also avß dem pflug ~
Item die ab setzen magstu auch triben vß ober haulben vnd vß vnter haulben wen du mit dem schwertt hoch ligst vnd wilt den ober haulb machen Im haulb wind vff din rechte siten In den ochsen so setz Im ab heulb oder stich zu diner lincken siten wider in den ochsen Indes stich im alwegen zu dem gesicht oder duplirer oder mach wz du wilt dz gath von beiden siten zů ~
Item ligstü dan In dem wechsell haulb so verwind din schwertt In den pflug vnd setz ab haulb oder stich Indes arbeit behendeglich zu der nesten ploesß mit allen geferten dz gat von beÿden siten ~
¶ durch wechselln lere
Durch wechseln lere
Von beÿden siten stich mit fer
