vnd sterklich an sich[1] / ader keyn im weder / vnd sneid im durch arm · hant / dawmen ader was her begreift mit dem rücken / vnd czihen Indes zo wirt seyn stechen weder frey als · e ·
¶ Wil denne iener das weren vnd andere bröche / zo sal her desem mit syner hant noch volgen / alzo als her im den arm begriffen hat / zo mag her im of den rücke komen / wy leichte her aber nicht noch volget alzo / das her harte weder helt / zo nympt her schaden / vnd deser fromme
¶ Auch / wen her ym den arm / ader dy hant mit syner linken hant begriffen / vnd gevangen hat / zo sal her mit syner rechten hant / gar snelle auch dar varn / czwischen syner linken hant mit der her ienen begriffen hat / vnd czwischen ienes degen / vnd mit vorworfner hant / das syn dawme / vnden / vnd der kleyne vinger oben kome / vnd winde im denne den den degen alzo aus /
¶ Ist denne das dezer mit deme weren vnd winden / laz ist vnd trege / mit deme / alz her ieme den arm begriffen hat / vnd in gar veste helt / zo sal iener mit syme / degen im drewen vnd of in dringen / recht zam her in mit gewalt wölle stechen / vnd den ort io keyn sy deses gesichte keren / zo wil daz selbe / deser / vaste weren / Indes / zo sal deseriener / denne / auswendig / deses armes / ader ynnewenig / den degen auswinden vnd würgen / vnd snelle weder czuvarn / mit dem degen of das aller neste / wen deser / mit deme als im iener alzo derwt vnd of in dringt / mit dem degen / zo besorgt her sich nicht vor deme auswinden / vnd hat nicht /
achtunge dorof / vnd mit deme wirt her ge=
- ↑ Korrigiert aus »sin«.
