Das annder Stuck ¶
Merck thritt Inn der ober hutt zu Im / fas dein bündt nahett bej dem knopfvnnd greif mit der linncken hanndt In die klingen beim kreutzvnnd stich Im krefftiglich[1] zu seim visier / zuck wüder An dich vnndstich mit sterck / vonn vnnden zu seim gemecht / domit Er dür nit zu nahekhum / Ruck dein wehr wüder ab / vnnd greüff mit der Lincken hanndtInn das Erßette theill deiner klingen dringt Er auff dich so weich zuuRuck / domit machestu Inn Endthrist vnnd württ baldt schlagen / so las dich nit Erlanngenn sonnder weich aus / hatt Er geschlagen so hab Achtung In dem Er sich ver¬felt so las die Recht hanndt Ab / vnnd khum domit der lincken zu hilff vnndschlag Inn zum helm oder zum nechstenn gelüdt / hatt Er Aber nit geschlagennso schlag Inn zum knüe oder Enckell versezt Er so fahr Auff mit den Armen / schlagIm zu dem obernn gelennck / vnnd Ergreüff dein beidt wüder / so du aber dem¬schlag Ja nit kanst entgehenn so versez den obenn zwischen dein beidt hendt in dieklingen / würff Inndes denn knopff über dein Lincke Achsell / vnd far mitder Lincken handt Auff vnd kum mit der Rechten der Lincken zu hilff so kum¬mestu zu schlagen Ehe Er sich Erhalt ¶
- ↑ originally transcribed as knefftiglich, but krefftiglich (lit. "powerfully") seems more likely, in my opinion
