Dem Durchleuchtigen hochgebornen Fursten vnd Hern, Hern Görg Hansen Pfaltzgraff en bey Rhein Hertzog In Bayern, Graff en zu Veldentz vnd Herren zu Lutzelstein, meinem Gnedigen Fursten vnd Herren.
Durchleuchtiger Hochgeborner Furst Eure, Fürstliche, Gnaden, seien mein vnderthenig gehorsam willig vnd gefl issen dhinst, Jederzeit Anbereith gnediger herr, Es haben die Alten gelertten nit vergebenlich, mit allem lob vnd vließ, die fecht khunst, gegen Jederman berhumbt gemacht, vnd deroselbigen Liebhaber, Fursten vnnd herren eingebildet, bej anderlich weil das mehrertheil Ritterlichenn kampfs vnd furtreffl icher thatten, daher ein vhrsprung genhommenn, glaubwurdig erzelt wurdt, dardurch vieler der berhumptisten gemutter deromossen zu aller manheit erweckt vnd gestercket, das sie In lob vnd ehr zuu hochsten befelchen vnd krigs verwaltung gerathen vnd brachtseind werden, derowegen dhan bitz ahn heuttigen tag, Angeregte übung
