Eche ich die helpartten setzenn will ich vor die threibhew leren welche sehr nützlich zum Reißen sindt ⁋
Denn Ersten mach also stanndt mit dem Lincken fus vor, so du die Linck vorfirst halt dein helpartt Im rechtenn Ochsenn, haw oder reiß mit dem hacken, vonn deiner rechtenn über das Linck bein durch, denn andern hawe von deiner Lincken achselln mit dem blatt durch, das du wüder Inn rechtenn Ochsenn kummest also threib die zwen hew zu samen Der vonn der rechtenn mit dem hackenn, Ist ein Rüß Der ander mit dem blatt Ist Ein haw ⁋
Ittem stanndt mit dem Lincken vor, die helpartt nebenn deiner rechtenn die spietz auff die Erdenn, hawe Denn Erstenn mit dem hackenn vonn vnndenn schlims durch denn mann, Denn anndern vann deiner Rechtenn auch vonn vnnden schlüems durch denn Mann, mit dem blatt, Denn drittenn Reüß wüder vonn vnndenn mit dem hackenn vonn
