Das ist die annder huet ~
Nimb das schwert in baide hennt unnd halts ÿber dein knie, Unnd gee zum man, ~ Sticht er dir dann unnden zu so wer im nicht, sunder setz ime an sein gsicht.
Oder sticht et dir oben zu, wo das sey. So setz im den stich ab mit dem vordern tall[!] deins schwerts, unnd setz im an in das gesicht, Oder an die drossell, ~ Unnd schlag dein schwert unnter dein ÿgsen, Unnd dring fur dich,
Oder setz ab zwischen deinen zwaien hennden, Unnd far im mit dem khnopf umb seinn hals, Unnd fursetz im mit deinem rechtn fues so velt er.
