[E]In vmbgent Ringen in harnisch an schaden wen dw mit aim vmbgest mit dem schwert / das dw Im an hast gesetzt vnd er dir auch so zuck in mit deiner rechten handt bey seiner rechten handt hengt er dir nit so zuck In auf die andern seiten mit deiner linkcne handt bey seiner lincken handt vnd das treib als vill auf baid seiten pis er dir heng wen er dir hengt / das er dir die seiten hat kert In dein zucken hab Im die handt fest vnd trit vmb in vnd greiff Im hinden vber die achssell auf seiner lincken seiten vnd gib aus deiner handt sein handt In dein andere handt vnd mit dem ledigen arm fass In bey der mit vnd heb In auff vnd wurff In an den Rucken oder vber ein pain auch geret es dir nit so gest dw woll von Im an schaden
- [E]In gar gut schleg stuck aus gewappentt[er] handt ob einer an den Painen nicht gewappent ist das trifft In das lang schwert trit gen aim mit gewappenter handt vnd wen es get an das treffen so fall In das lang swert In die eissnen Pfortten vnd trit mit deim recht[en] fuss fur vnd gee vnten auff mit stichen aus der eisnen Pfortten zu seim antlitz vnd wen es dir eben ist so thue ein zwiefachen trit mit deim fodern rechten fuss auf sein linck seiten vnd resch In dem trit lass dein swert vmb geen vber dein kopff vnd haw In neben in sein lincks pain In den waden das er an dem ruck sitz
[W]Enn dw dich mit aim stiches so wart auf den fuss den er dir hat fur gesetzt vnd stich Im darein mit dem swert vnd druck fast zu so ist er arm
