Von dem Anbindenn
In diesem stande kan man gar eigentlich sehen / was der Autor fur vorteill gebraucht / alß nemblich das er zwey gelenck / kegen des andern eine gelenck / alß kegen das er ste gelengk hinder des andern hand seinen Ellebogen Setzet / das er dan viel stercker mit wegk nehmen kan / alse ihme der kegenthaill mit sei-nem ersten gelenck des armes mit der hand kan rehpontieren[?],
Wors ander stehet er noch gar niedrig und nicht mit ausgestrackten gliedern / damit ihn der / so kegen ihn stehehet / nirgend in ein er Schweche oder junctura er greiffen kan,
Zum dritten hat er seine Hende nochgar dichte Zuesammen und verschloßen / damit ihn sein kegen-theill / nicht irgend beij einem finger oder daumen ergreiffen kan / und ihn darnach also zue sich ziehen und zue boden werffen / welches auch sonderlich wol sol gewereket werden,
